Quen subscribe
este artigo recoñece que no ano 2011, tras ollar a película de Nani Moretti Habemus Papam, interpretou o argumento
da mesma, un cardeal elixido Sumo Pontífice que renuncia ao seu papado polos
ataques de pánico que lle orixina a responsabilidade do seu cargo, como
resultado da visión paródica do director italiano e non como unha posibilidade
real. Tal era a miña ignorancia en materia de pontificados, e así quedou
demostrado cando o xa Papa Emérito Joseph Ratzinger anunciou publicamente a súa
renuncia. Moretti procurou achegarse á psicoloxía dunha persoa que, por moi
sagrada que sexa a súa labor non pode desprenderse da súa natureza humana.
