A partir do vindeiro nove de outubro,
poderemos ver de novo ao actor Carmelo Gómez, nado en Sahagún, León, emulando o
acento galego, como hai anos fixera no papel dun narco no filme Agallas (Andrés Luque Pérez e Samuel
Martín Mateos, 2009), desta vez para encarnar a Leo Caldas, o inspector
protagonista de La playa de los ahogados (Gerardo
Herrero, 2015), adaptación cinematográfica da novela negra do mesmo título escrita
por Domingo Villar, quen tamén participou na elaboración do guión. A devandita
novela supón a segunda entrega da saga protagonizada polo inspector galego tras
Ollos de auga e á espera da chegada de Cruces
de pedra ás librerías, a que será a súa terceira obra.
