Hai poucas datas falecía Alfredo
Landa, un dos cómicos máis populares e prolíficos do cine español, posuidor dun
particular trazo interpretativo herdeiro das tradicións escénicas hispanas que
deron primacía ao protagonismo grupal e proporcionaron relevancia aos actores secundarios.
Célebres foron as súas actuacións en Los
santos inocentes (Mario Camus, 1984) ou nas dúas versión de El Crack (José Luis Garci, 1981 e 1983),
pero no imaxinario colectivo galego quedou a pegada da súa encarnación do personaxe
retratado por Fernández Flórez en O
bosque animado, o bandoleiro Fendetestas, baixo a tutela de José Luis
Cuerda e o proceso de adaptación de Rafael Azcona.
